• 465-4649
  • info@resibida.org
  • Kaya Chicucha 22, Koraalspecht
DONASHON

Tokante Nos

WhatsApp Image 2023 01 09 at 15.08.41

Fundador

Carmen Eloisa
Coco

Resurekshon i Bida ta un iglesia ku ta kontentu ku e salbashon ku nos a risibi pa medio di Hesus.Nos ta kere den e moveshon di Spiritu Santu, i den e donnan di Spiritu Santu pa asina nos por enkurashá otro nan kune.Nos ta kere ku Hesus a muri na krus i di tres dia El a resusitá pa asina nos por tin salbashon. I ku Hesus ta bini bèk pa buska su brùit.Resurekshon i Bida ta un iglesia ku a wòrdu fundá dor di Carmen Eloisa Coco na aña 1984.

Aktualmente e iglesia ta wòrdu guiá pa Pastornan Juano i Jeridy Coco ku ta e pastornan prinsipal di e iglesia.

Iglesia Resurekshon i Bida, den area di Koralspecht, nos tin sirbishi tur djarason anochi di Orashon. For di 7or anochi te ku 8or anochi. Riba djabièrnè nos sirbishi di Gratitut na nos Dios pa 7.30 anochi te ku 9.00pm anochi. I riba djadumingu nos Sirbishi di Viktoria. For di 9.00 am di mainta te ku 11.00 am di mainta.

Nos Mishon

Pa alkansá i influenshá nos nashon i e mundu ku e e evangelio di Kristu Hesus. Pa ta un iglesia basá riba e palabra di Dios, kambiando nos manera di pensa i empoderando hende pa dirigí i impaktá e nashon den tur area.

Un iglesia ku e amor di Kristu, ku ta hasi un diferensia den praktiká amor i kompartí amor. Pa liderá i guia un nashon na na konosementu di Dios i na prosperidat di akuerdo ku Dios Su palabra.

Nos Vishon

Un iglesia di influesha, un iglesia ku ta krese tur dia pa impaktá e nashon. Un iglesia ku ta dependé riba Spiritu Santu, ku nada por stòp e iglesia òf par’é di sigui krese i bai dilanti.  Un iglesia ku su pueblo i miembronan ta uní, hende nan di orashon yená ku Spiritu di Dios‎. Un iglesia ku bida nan ta wòrdu kambiá pa semper i e potenshal den bida di nos miembronan ta wòrdu kumplí atraves di e poder di e palabra di Dios.Mi ta mira un iglesia ku kompashon pa hende, ku ta stima hende. Mi ta mira un iglesia kaminda tur hende ta bonbiní, tur hòmber, tur muhé i tur mucha ta pasa drenta den nos porta nan i ta keda krese akinan. Un iglesia di adoradornan, ku nos kansionnan ta reflehá e pashon di Kristu.

E Milager di Salbashon

'Hesus a bis'é: ‘Ami ta resurekshon i bida; esun ku kere den Mi, lo biba asta si e muri. 'Huan 11:25